एक संवाद

एक संवाद
ना: अध्यात्म, म्हणजे काय ?
आ: आत्म्याशी अधिक एकरुप होणे !
ना : पण कसे शक्य आहे ते ?
आ : का नाही ? त्यासाठी ध्यान हा पासवर्ड आहे.
ना : म्हणजे फक्त डोळे मिटून बसायचं का ?
आ : नाहीच मुळी. डोळे मिटायचे, हळूहळू बाकीचं सगळं विसरायचं, आपल्याला भावणारी, आपली ज्यावर श्रद्धा आहे, आपल्याला ती गोष्ट बघून मन एकाग्र करता येईल त्याचं चित्र डोळ्यापुढे आणायचं, संवाद त्या गोष्टीशी सुरु करायचा ! आपला तेव्हा सावकाश एक संवाद सुरु होतो, पण हे करण्यापूर्वी मनाशी दृढ निश्चय आवश्यक आहे ?
ना : मग, पुढे काय होतं ?
आ : जेव्हा काही वेळाने अनवधानाने जाग येते, किंवा कुणी बोलावते ना
ना : डोळ्यांच्या कडा पाणावतात, आपल्यात कसला तरी शक्ती संचार झाल्यासारखं वाटतं, पण
आ : पण, काही वेळापूर्वी आपण जागृत होतो, आणि कधी योगनिद्रावस्था प्राप्त झाली, तेच आठवत नाही
ना : पण, मी ... ना, मला जाणवेल ?
आ : जी गोष्ट एकाग्र चित्ताने, शांत पणे सातत्याने करत राहतो, त्यावेळी आपल्याला आजूबाजूचा सगळा विसर पडून, अगदी आतलाच एक आवाज ऐकू येत असतो तेव्हा त्याला ध्यान लागणे असे म्हणतात.
ना : विकीपीडीया ?
आ : ना.. अनुभव, कवी कविता रचतो, तेव्हा तो ध्यानच करतो, जागृतअवस्थेत ही होते, आणि मुख्य म्हणजे  मन असणाऱ्या ‘माणसाला’ जाणवतेच... कुणाला माना किंवा नका....
ना : पुढे
आ : हाच अध्यात्मबिंदू पर्यंत जाण्याचा मार्ग .  

विशाल,9527138505

आ :आस्तिक
ना : नास्तिक