आई ...........

आई

आई ....... तुझ्यासाठी शब्दांची माळ ओवू  कसा 

तुजवरच्या प्रेमाला कवितेत, मी गुंफू कसा

तू दिलेस मला इतके, आजवर....

मी हट्ट केला तेव्हाही...... मी मागितले नसेन तेव्हाही

डोळ्यात पाणी, गळ्यात हुंदका दाटून येई

हृदयात माझ्या डोकावता, मन सुन्न होऊन जाई

मायेने जेव्हा तू हसून माझ्याकडे  पाही.................

डोळ्यातले  अश्रू  गळताना, ओठ आर्त पुकारी ........ आई

माझ्यासाठी किती कष्ट सोसले

उपाशी निजून तू मला पोसले

रात्र रात्र जगुन काढली ....

मी तळमळू नये म्हणून ....

काट्यांवर चालून तू  धरलीस पाखरावर फुलवाई

काळीज पिळवटून टाकता,  हुरहूर लागून राही

प्रेमाने जेव्हा तू जवळ घेई...............

अंतरात  गहिवर दाटताना, जीवनी थरथर गाई .........आई

मी कितीदा चुकलो

मी शरम सोडून वागलो

तुझी माया परि कमी झाली नाही .....

कायमसाठी तू मला दूर लोटले नाही ........

माझ्या भाळी दुर्दैवाची  लागली होती फेरी

 कसा बरे झालेलो माझाच मी वैरी

दूर तुला करून गेलो...........  आई

परि मला जवळ घेतलेस, थोर तू गं  बाई

आठवांची त्या उन्माळी येता

सांग कसा होऊ उतराई ............

अंगा अंगा चळचळ दाटे,  रोमरोम फुटुनी गाई ......... आई

आई ......................आई .......................आई ....................आई .................आई