गुलाब - प्रेयसीवर रचलेली मराठी कविता

दिसते सुंदर गुलाबी फुलाप्रमाणे

हसतेस जेव्हाही तू झऱ्याप्रमाणे

डोळ्यातूनी डोळ्यांशी बोलतेस तू

दाटलीस माझ्या मनाशी धुक्याप्रमाणे

पहाटेच्या कोवळ्या किरणामधूनी

तू भेटतेस मला उन्हाच्या नक्षत्रातूनी

तुझ्या आठवणींचा डाव रंगत गेला

उमलली याद, तेव्हा स्पंदनातूनी

Representative image

घडते उरात काही धडधड की काही

समजून येईना आता माझेच मला

पळभर मला डोंगर चढावेसे वाटले

नजरेने कसा जीव वेडापिसा झाला

लहरी लहरीतून येतेस सुगंधाप्रमाणे

हसून पाहता जीवाचे होई जळणे

हात प्रेमाचा जेव्हा खांद्यावर येई

त्याचे सांग कसे फेडणार मी पारणे

समुद्राची गाज कानात रे गुंजते

तू माझ्याशी जेव्हा मनातलं बोलते

कधी होतील पूर्ण सारे स्वप्न दिवाने

झुरतो विशाल हा कुणा चातकाप्रमाणे

दिसते सुंदर गुलाबी गुलाप्रमाणे

हसतेस जेव्हाही तू झऱ्याप्रमाणे